Sitemiz Hakkında

Başından beri teknik sorunlarıyla boğuştuğumuz eski sitemiz, giderek çalışamaz hale getirilmişti. Ne ‘resim’ ekliyebiliyorduk verdiğimiz haberlere, nede ‘Okur Yorumlarını’ yayınlayabiliyorduk.

Yeni sitemizde bütün bu sorunları ortadan kaldırmayı hedefledik. Bu konuda sitemizi yeniden kuran ve kendinden özveride bulunarak katkı sunan Koye Colker arkadaşa öncelikle teşekkürler etmek isteriz.

Artık sitemizde çıkan Haber ve Köşe Yazarlarına okurlarımız ‘yorumlarını’, ‘eleştirilerini’ rahatlıkla ekleyebilecektir.
Hatırlatmaya gerek varmıdır?
Sitemiz; anti-sömürgeci, anti-faşist, anti-emperyalist çizgisini sürdürmeye devam edecektir.
Okurlarımızın ve site misafirlerimizin desteği ile çalışmalarımızı sürdürmeye çalışacağız.

En içten selamlarımızla.

Mayıs 013- devrimcidemokrat.com

Keteyî qiseykerdişê xo de ca da Qanûnê Tuncelî, Qetlîyamê 38'î û sewbîna xeylê çîyan û va ‘ewro zî bi veşnayîşê daristanan hêrişê vera Dêrsimî dewam kenî 

 

 

‘Erj û Bawerîye ver Hêriş Kenî’
 
Hemserekê Şûbeya Edene ya DADî Zeynel Keteyî va ‘seba ke Dêrsim bi ziwan, kultur û bawerîya xo vera tekperestîya sîstemî de vindeno, raştê hêrişan yeno’ û wina dewam kerd:
 
“Goreyê bawerîya Raya Heqî îqrar dîyeno awe, erd, hewa û gandaranê bînan. Cok ra ewro ma yenî hedef girewtene. Ganî herkes çi destê ci ra bêro, bikero.”
 
Bajarê Dêrsimî demanê peyênan de bi şewatanê daristanan û texrîbbîyayîşê tebîetê ci yeno rojeve. 
 
Netîceyê operasyonanê leşkerîyan de daristanî yenî veşnayene, bi HES, ocaxê madenan û sewbîna tebîetê Dêrsimî yeno çin kerdene û hewl dîyeno herême bêmerdim bêro verdayene.
 
Hemserekê Şûbeya Edene ya Komeleya Elewîyê Demokratîke (DAD) Zeynel Keteyî qala şewatan kerd û dîyar kerd ke pey nê hêrişan de erj û bawerîyê Dêrsimî estî. 
 
Keteyî qiseykerdişê xo de ca da Qanûnê Tuncelî, Qetlîyamê 38'î û sewbîna xeylê çîyan û va ‘ewro zî bi veşnayîşê daristanan hêrişê vera Dêrsimî dewam kenî’.
 
Keteyî va ‘şewatê daristanan ke bi armancê leşkerî yenî vetene, seba bêmerdimkerdişê bajarî yenî vetene’ û wina domna: 
 
“Bi Qanûnê Tuncelî ke serra 1935'î de ame vetene, hewl dîya herême hetê fîzîkî û kulturî de bigîrîyo binê zextan û ewro reyna wazenî nê qanûnî bierzî dewre.”
 
Sîstem bi heme hêzê xo hêriş keno
 
Keteyî dewamê qiseykerdişê xo de wina va:
 
“Dewlete kesê ke Qetlîyamê 1938î ra mendî ser o polîtîkaya asîmîlasyonî dana domnayene. Dewlete hewl dana sere de şarê Dêrsimî û şarê heme herême ca û warê înan ra bida koç kerdene. 
 
Bi no hawa wazenî herême tena biverdî. Durîkerdişê şarêkî yê erdê ci ra yeno manaya çarmixkerdişê ê komelî. Qanûnê Tunclî ra nata hewl danî herême bêmerdim biverdî. 
 
Çimkî kesê ke tîya de cuyenî bi ziwan, kultur û bawerîya xo vera sîstemê tekperestîye de vindenî. Sîstemo ke wazeno bikero tek reng, bi heme hêzê xo hêriş keno.”
 
Bawerîya ma zî yena hedef girewtene
Keteyî qiseykerdişê xo de va ‘elewîyê ke herême de cuyenî, fikirê Raya Heqî ser o yî’ û qiseykerdişê xo wina domna: “Ma goreyê Raya Heqî îqrar danî awe, erd, hewa û gandaranê bînan.
 
Goreyê bawerîya Raya Heqî awe, erd û adir mekanê ke rîyê Heqî yenî dîyayene yî. Cok ra ewro ma bi tebîetê ke ser o îqrar danî, yenî hedef girewtene.”
 
Ganî ma qala heqîqeta herême bikerî
 
Keteyî peynîya qiseykerdişê xo de qala xoverdayîşo ke vera nê hêrişan de bêro dayene zî kerd.
 
Keteyî bale ant heqîqeta herêma şarê Dêrsimî ser û wina va: 
 
“Ganî sere de şarê Dêrsimî û herkes vera na rewşe de bivejîyo û xover bido. Yê ke hetgirê kede, demokrasî, bawerî û ekolojîyî yo, vera hêrişanê sîstemî de bivindero. Reyna ganî herkes cayo ke tede yo de qala heqîqeta herême bikero û seba vindarnayîşê şewatan çi destê ci ra bêro, bikero.”
 
MA / EDENE
 
15 Eylül 2018-newededersim

Yorum ekle


Güvenlik kodu
Yenile

| |

leftCopyright © Devrimcidemokrat 2013. All Rights Reserved.